A Asociación Agraria de Galicia participa na V Feira Profesional de Maquinaria, Agricultura e Gandería Abanca Cimag-GandAgro

A Asociación Agraria de Galicia participa na V Feira Profesional de Maquinaria, Agricultura e Gandería Abanca Cimag-GandAgro. Esta cita, que se celebra con carácter bianual, está considerada un referente da innovación agropecuaria no noroeste peninsular, a través da que se dan cita profesionais do sector primario, empresas e outros colectivos. Na súa anterior edición, sumou case 19.000 visitantes.

Como en edicións anteriores, Asaga estará presente a través dun stand propio, mediante o que se informará ás persoas asistentes sobre o traballo que realiza a asociación. Así, poderanse coñecer as accións que se están a organizar, tanto en solitario como con outras organizacións afíns, as empresas e entidades colaboradoras e os servizos ofertados.

O evento desenvolverase do 20 ao 22 de febreiro no recinto Feira Internacional de Galicia ABANCA, en Silleda, Pontevedra. O acceso é gratuíto previa inscrición.

Proxecto Sat4Carbón

Asaga tamén participará no programa de actividades da feira coa organización da xornada informativa sobre o proxecto Sat4Carbón de monitoreo do carbono en sistemas silvopastoriles por detección.

A iniciativa utiliza sistemas satelitais para calcular a nivel local a fixación do carbono en sistemas de silvopastoreo. Deste modo, proponse mellorar as prácticas agrícolas e gandeiras e obter información fiable a través da que optimizar prezos. Actualmente, atópase en probas en Galicia, Asturias e Cantabria.

A sesión informativa terá lugar o venres, 21 de febreiro, entre as 12 e as 14 horas na sala 2 de fondo pavillón 1, e contará coa participación de Francisco Bello, presidente de Asaga, e Daniel Reinoso, do departamento de Xeoloxía, Xeografía e Medio Ambiente da Universidade de Alcalá.