ASAGA impulsa a transformación dixital do sector agrario con actuacións na provincia de Ourense

A Asociación Agraria de Galicia (ASAGA) desenvolve, dende o pasado mes de maio, distintas actuacións de asesoramento e divulgación para impulsar a transformación dixital do sector agrario na provincia de Ourense. A iniciativa ten como finalidade achegar aos produtores agropecuarios as ferramentas e coñecementos necesarios para avanzar na dixitalización das súas actividades e mellorar a xestión das explotacións.

As actuacións, que teñen prevista a súa finalización no mes de outubro, están dirixidas a agricultores e gandeiros que buscan incorporar novas competencias dixitais ao desenvolvemento da súa actividade profesional.

Asesoramento para a modernización do sector

A finalidade desta iniciativa é prestar servizos de asesoramento orientados a mellorar os resultados económicos, sociais e ambientais das empresas do sector agrario e forestal. Para iso, búscase facilitar a incorporación das novas tecnoloxías á actividade diaria das explotacións e mellorar a súa capacidade de adaptación ante os cambios do sector.

A adquisición de competencias dixitais permite aos profesionais coñecer e aplicar novas ferramentas que poden contribuír á xestión das explotacións, ao acceso á información e á toma de decisións. Deste xeito, o asesoramento convértese nun apoio para avanzar cara a modelos de produción máis eficientes e sostibles.

A Innovación como eixo da actividade agraria

ASAGA considera a innovación un elemento transversal para avanzar na produtividade e sustentabilidade do sector agroalimentario e forestal. Neste contexto, as actuacións desenvolvidas en Ourense buscan fomentar o intercambio de coñecementos e facilitar o acceso dos profesionais ás posibilidades que ofrecen as novas tecnoloxías.

A iniciativa tamén se enmarca na transformación dixital que está a experimentar o sector agroalimentario e forestal a nivel europeo. Entre os obxectivos desta transición atópase impulsar o desenvolvemento empresarial e os novos modelos de negocio, aproveitando as oportunidades vinculadas ás novas tecnoloxías e á Industria.

Reducir a fenda dixital no medio rural

Neste contexto, ASAGA busca contribuír a reducir a fenda dixital existente no medio rural e facilitar que as pequenas explotacións poidan acceder aos recursos e coñecementos necesarios para avanzar na súa dixitalización. O asesoramento constitúe unha ferramenta para favorecer a incorporación progresiva das novas tecnoloxías á actividade agraria.

Para levar a cabo estas actuacións, a asociación conta cun equipo técnico especializado que presta asesoramento aos agricultores e gandeiros que o soliciten desde a oficina de atención situada en A Rúa de Valdeorras. Desde este punto, facilítase información e apoio aos profesionais durante o desenvolvemento da campaña, dende maio ata o seu fin en outubro.